Jaun bikario ohiari

Zubiria, Jean Pierre (Panpilli)

 1

 Ez iduritzen, bainan zer bitxikeria!

 Denetako ethortzen dener tenoria:

 Bihotz minekin dugu ikasi berria,

 Baionatik gan dela apez Ithurria.

 2

 Gure artian zela jadanik aspaldi;

 Apez kartsua bezen talendua haundi;

 Zerbitzu egilia bethi horren aldi;

 Denetako kapable, deusek ezin geldi.

 3

 Denen gainetik kanta ainitz maite baitu,

 Xarmanteko korala berritz zuen piztu;

 Borondate ainitz ta sobra lani lotu,

 Osagarria hola zaio andeatu.

 4

 Boza xarmant batekin kantari ederra,

 Bethi kantuz artzea da horren plazerra.

 Gogo ala bihotzez eskualdun jathorra,

 Hazi onetik baita, zeren Azkaindarra.

 5

 Unadura guziak bazterrera utziz,

 Susiarikan ez du jaun horrek iduriz:

 Ele on bat denentzat eta bethi irriz,

 Hemen hola bazuen adixkide ainitz.

 6

 Orai Bidarten dute jarri bikario:

 Higatu osasuna obetu artio:

 Jainkoari eginez ainitz gomendio,

 Baionesek dautzugu bihotzez adio!