Ezponda-ri

Zubiria, Jean Pierre (Panpilli)

 1

 Agur eta ohore zuri jaun Esponda

 Kantu hauen medioz baneza hoi lauda

 Xarmanki horrek daki pertsua nun molda

 Horren gainean dago geroko segida.

 2

 Petsutan agerturik orai du bortz urte

 Geroztik hunat egin horrek ainitz bide

 Talendu haundi dela dudarik ez daite

 Haundi ere kuraia eta borondate.

 3

 Gizon xarmanta eta arpegia arrai

 Irria ezpainetan izanike nunai

 Airoski baderama horrek sujet zernai

 Beti hobekiago ere luke inai.

 4

 Pertsuko dohaina gazterik zuela

 Pertsulari hoi gabe ezin da niola

 Han ta hemen aizanez trebetu da nola

 Xalbadorrek artetan eginez eskola.

 5

 Leku xarmanta dago gain hortan Garazi

 Gizon haundiak ditu horrek beti hazi

 Euskara zuelakotz lehenik ikasi

 Euskal-herriarentzat geroztik da bizi.

 6

 Talendua, kuraia ta borondatia

 Zahar ohidureri ainitz atxikia

 Beti omore ona maite konpainia.

 Mainean jarri eta langile garbia.

 7

 Batean eskas eta bertzean sobera

 Munduan beti dugu zerbait errengura

 Lehen zaharretarik entzun dut ardura

 Gazten gainean dela geroko mentura.

 8

 Xalbador eta Mattin., Zubikoa,. Xanpun

 Ainciart ta Esponda maiz ditugu entzun

 Desira hau nik hemen eginen dut egun

 Gazte zenbait atera daitzin hoien lagun.

 9

 Zenbait sortzen direla beteak dohainez

 Bainan nehor ez eldu mundura jakinez

 Denetan trebetzen da segura aizanez

 Ez da erraitekorik ahala eginez.

 10

 Pertsutan kantatzeko Euskal-herria

 Gero ere beharko da pertsularia

 Zenbait jaliko dela dut nahikeria

 Biba Esponda eta atzar gazteria.