Eliza ederra

Zubiria, Jean Pierre (Panpilli)

 1

 Trinitate eliza, ederrik Angelun

 Espos meza bateau izatu naiz egun

 Meza ederrak ditut lehen ere entzun

 Bainan ederragorik ezin daite nihun

 2

 Ainitz asurti ziren jaun andre esposak

 Gazte ta alegera, ta ainitz plaxeniak

 Xede onez beteak zituzten bihotzak

 Goraki egin tuzte biziko agintzak.

 3

 Eliza hori baita luze ta zabala

 Haundizki apaindua zuzen den bezala

 Hor jendea bildu da ezin kokahaha

 Denak otoitzean ta kantu xaramela.

 4

 Jaun erretora baltzen mezaren emaile

 Bi apez xarmantekin, horren laguntzaile

 Denak berak zituen gidatzen halere

 Bakan ikusten baita horrenbertze ordre.

 5

 Korala, famatua da "Adixkidiak"

 Tropa haundian ziren horrat etorriak

 Denak gizon ederrak ta zer kantariak

 Xoratuak atxiki gaituzte guziak.

 6

 Ohidura zaharrak beti iraun dezan

 Neskatxak arkuekin mutikoak dantzan

 Denen alegeratzen airos dira aizan

 Hoik ikusiz ni ere gaztetua nintzan.

 7

 Etxe ainitz egin da bazter guzietan

 Eta partikulazki hiri hegaletan

 Elizak ere behar hoinbertze jendetan

 Segur ezarri dute hoi esku onetan.

 8

 Meza akabatzean ukanik gonbita

 Denak hor bildu gare berritz elgarreta

 Mota guzietarik segur bazen hauta

 Goxoki edan dugu denek zenbait xorta.

 9

 Apez hori denetaz ainitz maitatua

 Abilki egiten du denekilakua

 Kantuz boza ederra, otoitza kartsua

 Ezin higatua da horren talendua.

 10

 Amodio ohore jaun apez Diriart

 Aspaldi du dugula ez agutzen elgar

 Zure otoitzak duke segur ainitz indar

 Enetzat ere duzu artetan in behar.