Desinkusak

Zubiria, Jean Pierre (Panpilli)

 1

 Parisetik ukan dut nik egun berria,

 Ez dela bethi eder bertzez trufatzia;

 Ez eztatu beharrez ene ausartzia,

 Neskatchek omen dautet altehatu hauzia.

 2

 Kantatuz neskatcheri eginik afruntu,

 Nihaurre laster nintzen lan hortaz ohartu;

 Horlakotz deneri dut galdegin a barkatu n ;

 Barkatu ere dautet, bizpahiruk salbu...

 3

 Pilula andi eta ertchia zintzurra,

 Neker pasturen zela banuen beldurra!

 Etchemendikin inik neskatchek biltzarra,

 Parisetik ukan dut gaitzeko uztarra...

 4

 Gazterik laketua mendi hegaletan,

 Bakan ibilia naiz ni hiri hoietan:

 Baionan izatu naiz naski hiruetan;

 Hortakotz ez naiz trebe moda berrietan!

 5

 Gan den uda betian hanche subertiak!

 Hirian izan ginen Matin ela biak:

 Herritarrak ikusi erdi-biluziak,

 Ezaukuten behatu, debru itsusiak!

 6

 Harrituak heieri behaka egonak,

 Zombat hertchiak ziren heien zaia soinak;

 Nekez egiten zuzten beren urhats jinak

 Arto zirien pare zapata-takoinak!

 7

 Neskatcha hoik bezala zombeit gizoh gazte

 Ahantziak zirela, oi ez izan uste:

 Egungo lanik aski hemen eman naute:

 Suiet hoi utziren dut bertzaldi bat arte!

 8

 Laguntzaren eskasez gaicho burrasoak

 Ainitz tristeki dira, lanez lehertuak;

 Lehen hoin eder ziren ogi ta artoak,

 Orai ainitzak dira pentze paratuak...

 9

 Mundurat ethoririk dembora haundia;

 Hale kantuz artzeko eldu gutizia.

 Hemen guzieri dut erranen egia:

 Ez naiz donado, bainan zahartzen hasia!

 10

 Denak ez ditezkela ez kanpagnan bizi,

 Bakotchak egiten du ahal bezen ongi:

 Hiri hoitan direner bihotzez goraintzi,

 Zuek ahantzi gabe, GANICH eta GIGI.

 11

 Chahar batek erranik, gaur dut ikasia:

 Gazteak on duela ainitz kurritzia;

 Lehen berak eginik esperienizia,

 Nun nahi bizi dela oneski jendia...

 12

 Eskualdunen bandera gora da munduan;

 Ezin daite hastia, maitatu ondoan

 Guziek har dezagun chede hau gogoan:

 Fidel jarraikitzeko orai ta geroan.

 13

 Eskualdunen etchea eder omen baita,

 Gazteria're biltzen sekulako meta:

 Mendian'e jendia kuriosa baita,

 Ikusterat joan nainte, ukanez gonbita...

 14

 Omore onez baita kantuz ari dena,

 Guzieri barkatu egin badut pena:

 Bakotcha gure gisan goazen aintzina,

 Hiri ala kanpagnan, biba Eskualduna!