Dei bat bertsolari nagusieri

Zubiria, Jean Pierre (Panpilli)

 1

 Kazeta hunen bidez atzo dugu jakin,

 Penetan izan dela Ahetzeko Matin:

 Pena hortan partea arturik horrekin,

 Horren irakurtzea guretzat atsegin.

 2

 Pertsuen emaiten da Alduden izana;

 Orduan bildu zuen bere bihotz mina;

 Han arribatu ordu jakin zuen fama,

 Ohean eri zela lagun oberena.

 3

 Ez da errech egiten denen gutizia:

 Bakan dugu plazerra zu irakurtzia;

 Zure azken kantua ez dut ahantzia:

 Nola galdu zinuen zuk zingar azpia!

 4

 Chalbador eta Matin Errechil-ta Chanpun,

 Ainciart, Zubikoa, nork ez ditu entzun?

 Pertsuen aditzia zeren maite dugun,

 Hoien gana biltzen da zernahi Eskualdun!

 5

 Pertsuen entzuteko besta horietan,

 Jendea horrat eldu bethi lorietan;

 Plazer hori ginuke segura artetan,

 Zuen irakurtzea Eskualdun kazetan!

 6

 Besta hoitan ibiltzen aahl ea denentza,

 Fagore bat hoieri nik galda baneza,

 Alegera liteke guzien bihotza,

 Zombeit kantu artetan kausi baginintza.

 7

 Eskualdun jendek maite baitugu kantua,

 Agian denek naute ni konprenitua:

 Lehen zaharretarik hau dut aditua:

 Haundiek behautela eman etsenplua!