Berina hausleari

Zubiria, Jean Pierre (Panpilli)

 1

 Aire chahar batean kantuz naiz asiko:

 Sujeta badudala ez da dudatzeko.

 Lagun bati hauche dut hemen galdatuko:

 Zombat irabazten den berin-pikatzeko?

 2

 Munduan ofizioz bada ainitz mota;

 Jaun hori aspaldian ari irinketa;

 Karrikan pasatzia ez bethi josteta,

 Lan hortako den tresna ainitz haundi baita!

 3

 Eskualdunen karrika ainitz da ertchia;

 Horrat usu jin behar irinketaria;

 Ez da segur josteta hortan pasatzia:

 Kamiona zeren den karrikain betia!

 4

 Karrika hortan bapo bada magasina;

 «Le bon coin», ezarria diote izena;

 Zeren unkitu duen doi doia ezkina,

 Mila pusketan jarri da horko bitrina!

 5

 Tokia ezagutzen naiz duen aspaldi,

 Lehen ere egin tu hor zonbeit itzuli:

 Adorra ezarririk trotuarrian gaindi,

 Hola pasatua zen jada zombat aldi...

 6

 Bethi ongi ez dira egiten karkulak;

 Denek izaiten tugu memento ahulak:

 Chuchen pasatu naiz in tu inahalak;

 Halere berina jo kamion-egalak!

 7

 Kontseilua bainion aspaldi emana,

 Garraiua bizkarka zela segurena;

 Ez da lehen aldia hoi gertatzen dena;

 Gaztiek ez nai entzun chaharren errana.

 8

 Berina ezarririk hoimbertze pusketan,

 Ondoan egotu da segura penetan:

 Erremediua bada uruski denetan:

 Berri bat ezartzia hautsi horren plazan.