Aphez sartzea

Zubiria, Jean Pierre (Panpilli)

 1

 Arribada tenora huna nun den jina;

 Konten urusik dago kasu hortan dena:

 Hazparnerat zaiote gaur eldu artzaina,

 Apez bertutekoa, Idieder jauna.

 2

 Buruilaren hamekan Hazparne herria,

 Andere baten pare dena apaindia;

 Liliz egin arropa du egun jauntzia,

 Ohoratu beharrez erretor berria.

 3

 Moto eta biziklet, zaldizko ta klika,

 Denak ethori zaizko Azketarat cheka;

 Bide guzian bazen jendea metaka:

 4

 Pasaia guzia zen dena apaindua:

 Lilia nasai eta nun nahi arkua;

 Bai apez eta jendez han bazen mundua;

 Elgarrekin kantari, lur eta zerua...

 5

 Erretor chahar batek ainitz du laudatu,

 Bikario berekin luzaz izan baitu;

 Bethi apez kartsua delakotz egotu, 

 Eldu zaion saria merezitua du.

 6

 Bihotza zabalik du egin predikua:

 Zoin choragarria zen jaun horren mezua

 Denen onetan dezan higa talendua,

 Otoitzde zagun denek zeruko Jainkoa.

 7

 Zuu erretor jartzea ainitz dugu plazer.

 Bihotzetik chantza on dauzut, Idieder!

 Hazpandarrek zaituzte maitaturen laster,

 Jende onak baitira, Jainkoari esker.

 8

 Orainon gazte eta zer gizon arraia!

 Ertor on bat eiteko zuk baduzu gaia; 

 Jaun Mirande bezala zaitezke entseia:

 Ainitz chahatzea da Hazparnen usaia!