Aire xahar batean
Zubiria, Jean Pierre (Panpilli)
1
Aire xahar batean
kantatzera noa
Alegera izanez
bihotz ta gogoa
Sala huntan bildu da
gaitzako multxoa
Ezagutzen iteko
altxatuz basoa.
2
Apezpikuak dauku
artzaina igorri
Denen partez dorautzut
nik ongi etorri
Otoitz bat egin diot
gure Jainkoari
Denak izan gaitezen
elgarren sokorri.
3
Kanbotik heldu zauku
xarmanta apeza
Berekin ekarri du
bere faine gaitza
Apez kartsua eta
zabala bihotza
Holakoa behar da
San Andren guretza
4
Ainitz gizon arraia
da gure artzaina
Guk behar bezalako
arrunt eskualduna
Ongi kontina dezan
hasia den lana
Denek elgar lagunduz
goazen aintzina.
5
Artzain berria hor da
orai gur'artean
Gu denak laguntzeko
zeruko bidean
Desira hauxe dugu
denek bihotzean
Luzaz egonen zaitela
gurekin agian.
|