Euskal-Erria-ri

Apaolaza, Franzisko

 Begira, ikusi, zeiñ poliki, au,

 España ederran ifar-aldean

 Itsaso gaziyaren egalean,

 Choko bat, begira non agiri dan.

 Mendiak, ibarrak eta zelayak

 Ostoz eta loraz chit apainduak

 Ta itsas ifarrak gozarotuak,

 Begira zer eder eta galayak.

 Mendien, ibarren eta zelayen

 Artean ta banakatuak aisa

 Echeak, uso chirriaren gisa

 Begira zeiñ ederki dirudiyen,

 Or-emen errekacho berritsuak

 Mur-mur egiñaz begira nola

 Batean errota, bestean ola

 Darabiltzan, klin, klan, joaz soñuak.

 Itzal otzanetan ezkutatuak

 Iturri garbiak begira non nai,

 Arzai liraiñ, galai bortitzai

 Eskañiaz señalpena lekuak.

 Begira ibarrera naiz mendira;

 Argia, poza, aizecho malsoak,

 Berdantza, lorak, likurta gozoak,

 Alde guztitan, ikusi, begira.

 .............................

 .............................

 Ainbeste mirabillen erdian,

 Arras zauritua, osto gabea,

 Begira zayogun arbola ari;

 Ta guzti, guztiok Euskal-errian

 ¡Ai! arbola orren bertezardea

 Eskatu zayogun Jaungoikoari.