Cum senueris...
Zaitegi, Jokin
Aldatz gora, oin arin,
intzalarik mutil:
gaur, lagun dituk, samin
eta agure-makil.
Begi itsu, belarri gor,
inguruan itzal:
barnean pakea sor
ta egoak zabal!
Ez begiratu zaputz
ilobi otzari,
oroigai eztiak utz
azken urrenari.
Ixila areagotzen
ta'ik ez dantzuk ezer.
Begik ilunagotzen...
laiņo Yainkok eder.
Ile zurituz elur;
egurats bakanduz
arnaska oa, makur,
erpiņa burutuz.
|