Bigarren aldiz ordaņak
Zabaleta, Juan
1
Bigarren txandan obligatzen naiz
bertso berriyak jartzia,
eta gaņera zer motibo dan
garbiro esplikatzia,
orretarako askida zure
lanai erreperatzia,
ayek jarrita nai alzenuen
gu ixillik gelditzia?,
aurreko aldiak erakutsi dit
nola eraballi atzia.
2
Esaten nazu pena dezula
ni zure kontra astia,
baņan zedorrek jarri zenuen
lendabiziko nastia,
bestela askida zure lenengo
bertso aldiya ekustia,
egiya ez dana, libre dala uste
aldezu erakustia,
nola nai zendun tamaņo orretan
ordaņak gabe uztia?
3
Zuk zertarako jarri zenitun
lenengo aldiz bertsuak,
nonbait farra egiņ zezaten goxo
guregatikan batzuak,
eta markatu zenitun garbi
ayen orduko pausuak,
zeņek epiņi zituen saltsak
eta gaņeko endreduak,
esanez zapelzuritarren kulpaz
galdu zirala fueruak?
4
Berriz ordaņak zuri jartzia
ez nuben bate pentsatzen,
zergatik nere arrazoi aitaz
ez dezun bueltik ematen,
baņan jarri naiz errezelotan
gaņera konsideratzen,
aldamenian bai otedezun
ari zaizuna tentatzen,
bestela nolaz asi zerade
modu ortan gu mendratzen?
5
Nik zu ekusi, nai etzaitudala
nondik atera dezu oi?,
ori egiya ez dala garbi
esango diyotet danoi,
bertso berriyak jartzen denbora
badaukazu eta sasoi,
nere partetik para ziņezke
gradu altuenetan goi,
baņan ortako erreperatu
zeņek daukagun arrazoi.
6
Nork esan dizu zure alderdiyan
bakarrik dirala kontuak,
eta ain gutxi gurian berriz
danak dirala santuak?
baņan mudatu ezkero ontan
atera itzatzu kontuak,
zeņek erreta kixkali ditun
Eliz eta konbentuak,
oik ez aldira gaisto aldetik
datozen adelantuak.
7
Beartu gabe autan jartzia
pena artzen dubela diyo,
baņa arrazoita erori zaitez
pasiyo gabe seriyo,
zergatik jarri zendun paperan
egiņikan despreziyo,
fueruak galdu zirala zapel
zuri oriyen mediyo?
ordaņi-k etzun izango ayei
pakian utzi baliyo.
8
Bukaerako esan biaizut
orain nik, lagun, egiya,
arrazoyari eman nai diyot
tokatzen zayon sariya,
alperrikanen luzatzia da
klase ontako ariya,
gaņera berriz kondiziyo bat
nola bai dagon jarriya,
Politikako ez genduen guk
atera ŦBerisolariyaŧ.
9
Eguzki-alden bizi naiz nire
ezda leku apartia,
eskerrikasko estimatzen det
ortako borondatia,
klase ortako anaitasunak
ekarriko du pakia,
oraiņ aurreko lanak baditut
onekiņ errematia,
osasunakiņ desio dizut
luzaro bizi zaitia.