Xalbaldinek Zalbardini

Xalbardin

 Urtea mila bederatzireun

 larogeita seigarrena

 Donostiako hospitalean

 uztaila hirugarrena

 gure aitari hanka gaiztotu

 len zegoena herrena

 hanka bakarra utzi diote

 eta gainera txarrena.

 Orain hogeita zazpi bat urte

 gorputzez osasunean

 trebeena zu omen zinen han

 lagun guztien artean

 «Mendi hauetan ez duk girorik

 ibiltzen honen atzean»

 esaten zuten lankide haiek

 zukin zeudenak lanean

 Lanbeharrak eraman zintuen

 Sunbilatik Bilboraino

 ogibidea ez baita lortzen

 nai bezala egundaino

 arrobi batetan jeitsi behar

 harria goitik beraino

 zuk jarritako teleferiko

 hura han dabil oraino

 Lehergailuez egiten zuten

 harri txikia erauzi

 lanean ari zinen unean

 horietako bat utzi

 aldegiteko aukerarik ez

 gainera denbora gutxi

 hogei minuton hainbat zatitan

 hankako belauna hautsi

 Asegurorik gabe lanean

 esplotatuaren grinaz

 aitaren seme naizenez geroz

 gorroto dut nagusiaz

 geroztik bastoi baten laguntzaz

 mainguarena eginaz

 beste hankatik sofritzen hasi

 oker ez banago ihaz

 Sendagileak anestesia

 osoki eman ezina

 eragozpena handia omen

 oraingo zure adina

 korde osoaz gerritik gora

 zure balentria baina

 zapalduentzat eredu eta

 destinoari ordaina

 Gaitzerdi balitz erreza eusten

 zure gorputzaren zama

 hanka ortopedikoarekin

 egin bearko duzu lana

 gai ez bazina gu prest ginake

 hurbiltzeko zuregana

 gu hiru eta zazpi ilobak

 eta bereziki ama