Donibanen badago herri kohnseillua

Xalbardin

 Donibanen badago herri kontseilua

 bozketa baten bidez aukeratua,

 programa eta guzti hau hori ta ua

 ikastolaz omen dago arduratua

 euskara horiekin dago salbatua!

 Aspalditik dabiltza lokalaren bila

 nahiz tartean eduki bi edo hiru mila;

 Dukontenia hutsirik ala erdi hila

 jaun meraren burua pizkortu dadila

 al badu eni ere argitu nadila

 "Ecole prive" omen da gure ikastola

 Seaskatik haurtxoa beldur dariola,

 gizontzen ari delarik estutzen kaiola

 haunditzen badoa ala edo nola

 etsiturik dagota ezin utzi hola

 Euskaldun gurasoak nahi du adierazi

 zuzen amaitzekotan, zuzen behar da hasi,

 euskaraz gure haurrak sortu hezi ta hazi

 nagusi jaun haundiei hau ulertarazi;

 ezingo dute berriz hortatikan bizi

 Egindako bertsoak nonbait ez gustatu

 eta kontseilu horrek, kontuak eskatu;

 inork pentsa ez dezakena hemen gertatu

 barnetik mindurikan baita agertu

 dena egia ez bada, aski gezurtatu.

 Aurtengo udaberria, zaigu udaratzen

 nahiz-ta eguaraldi txarrak, izan apirilen;

 haurrek gripe handi bat arrapa ez dezaten

 estalirik gabeko lekuak hustutzen

 haurren jolas tokiak parkinak bihurtzen

 "Mea culpa" erran gabe errazena egin

 egun gaizki dagona bihar ere berdin;

 euskal arazo latzaz beharko galdegin

 horretan finkatuta ez hortik aldegin

 ikastola sendo bat urrik gerta dadin.