Terebintoa
Verdaguer
Betlem'go Errege ederra
Badijoa Jauretxera
Bere maite-asikiñak
Jainkoari eskaiñtzera;
Amaren besoak dira
Aren errege-gurdia.
Terebinto adartsu bat
Bazan bide-bazterrean;
Apal-apal makurtu zan
Jesus urbildu zanean,
Bere adarren gerizak
Aula itzalpetu nai zuan.
Orduan Ama Maria'k
Esan zion Joseph'eri:
-«Zuaitz onen itzalpean
Gogo nuke nik eseri.»
Onborra dute jarleku,
Ta lore-belarrak zerri.
Atsedenleku arretan
Biak jarri ziranean
Jose'k diotsa Andreari:
-«Zer bear degu eraman
Jauretxera, eguzkia
Agertuko zaigunean?
Usapal urre-mokoak,
Ala uso zillar-egoak
Ala Ramleh'ko umerria
Lydda'n ikuzi berria?»
Ain xuxen orduantxen
Aula jarri zitzayen
Kalbario mendira
Adi-adi begira,
Otana iparraldera
Ta eguzki-lorea
Eguzkirontz itzuli
Oi diraden bezela.
Maria umetxoari
Beira jarri zitzayon
Ta Jose'n galdeari
Ola erantzun zion:
-«Ai! umerria orra
Guk gerok daramagu;
Baña bi usakume
Eraman genitzake,
Iñondik bagenitu.»
Ola mintzo zalarik
Elias'en Aitzetik
Usakume bi egan
Etorri ta Jesus'en
Magaleratu ziran
Urrueta, usakume,
Egizute urrueta,
Oso eder, atsegin,
Opagarria baita
Erio-Garaileari
Bizia eskaintzea.
|