VI., VII. ta VIII.garren somaketak

 Tata billa badezu

 Lenengo ta biyan

 Eta irugarrena

 Asunen erdiyan,

 Eta banaren biya

 Irugarren tokiyan,

 Irakurriko nazu

 Ni naizan guztiyan.

 Bata ta biya beti dauzkatzu

 Iruten dakienakin;

 Ezpadauzkatzu lauba ta bosta

 Osasunarik zuk eziñ:

 Oso-osorik arkiko nazu

 Iru ta beste birekin.

 Zenbait geiago kendu,

 Ni naiz andiyago;

 Zenbait geiago eman

 Nazu chikiyago,

 Lurrean oña sartu

 Zayonik badago,

 Ni nor naizan chit errez

 Asmatuba dago.