Kostarrak 1886-ko Loyolarako erromeriyan

Urruzuno, Pedro Miguel

 LOYOLARA BIDEAN.

 Loyolara kantari

 Goaz zar ta gazte,

 Zuek ere gurekin

 Atozte, atozte.

 Egun sentiko izar

 Ederrak gaur gaitu

 Goizian goizetikan

 Jaikitzera deitu,

 Loyolara joateko

 Gaitezen oroitu,

 ¡Ai zein pozik diogun

 Guziok obeitu!

 Loyolara etc.

 Aingeruak ditugu

 Biderako lagun,

 Gurekin ibiltzeko

 Beti gau ta egun:

 Nolako zoriona

 Guganatu degun

 Danak jakin dezaten

 Kantatu dezagun.

 Loyolara etc.

 San Ignazio dago

 Begira zerutik,

 Argatikan gabiltza

 Bide segurutik:

 Guazen bada guziok

 Kantari gogotik,

 Guazen, bai, Loyolara

 Jaungoikoagatik.

 Loyolara etc.

 LOYOLAN SARTZEAN.

 Aita San Ignazio,

 Orra gu etorri,

 Gozoro kantatzera

 Aurrian zedorri:

 Zeralako guretzat

 Grazien iturri,

 Eskerrak ematera

 Gatoz zenbait erri.

 Igaz koleragatik

 ¡Ai ura larriya!

 Baña zu izan ziñan

 Gure pozgarriya

 Zugatikan libratu

 Zan Euskal erriya,

 Lengoaz gañera au

 Degu zor berriya.

 Zor au pagatutzeko

 Gera oso utsak

 Birtuteetan berriz

 Gaude guziz otzak;

 Ala ere zugana

 Eldu gera pozak,

 Artu itzatzu gure

 Guzion biyotzak.

 LOYOLATIK ATERATZEAN.

 Egiñikan bisita

 Loyolan Aitari,

 Bera penaz utzita

 Bagoaz kantari.

 Erromeri au degu

 Izango goguan,

 Bizi geran denbora

 Guzian munduan;

 Au ikusterik iñon

 Uste ez genduan,

 Ez izanik Loyolan

 Edo ta zeruan.

 Egiñikan etc.

 Loyolako Eliza

 Eder ta andiya,

 Zure barruan dago

 Pozikan jendia,

 Utsa da Amerika,

 Utsa da Indiya,

 Eliz onek diruri

 Taborako mendiya.

 Egiñikan etc.

 Agur Ignazioren

 Seme on leyalak,

 Apaintzen, dituzute

 Egiñ egiñalak,

 Ara Eleiza; ara

 Zelai ta arbolak,

 Zerua bera dala

 Diruri Loyolak.

 Egiñikan etc.

 Agur San Ignazio,

 Agur gure Aita,

 Ikusi degu Tabor,

 Zerua-re baita;

 Arren bizi guzian

 Zaitza gula imita,

 Zeruan egoteko

 Zurekin jarrita.

 Egiñikan etc.

 ECHERAKO BIDEAN.

 Egiñikan bisita

 Loyolan Aitari,

 Bera penaz utzita

 Bagoaz kantari.

 Loyolara juateko

 Asmoak arturik,

 Andik echeruntz gatoz

 Amorez suturik;

 Biotzak dakaizkigu

 Pozetan urturik,

 Arkitu degulako

 Zeru biurturik.

 Egiñikan etc.

 Izan etzeratenak

 Loyolan oraindik,

 Juan gabe ez gelditu

 Al-bada iñondik,

 Biurtuko zerate

 Gu bezela andik,

 Graziak irichirik

 Jaungoikoagandik.

 Egiñikan etc.