Beatak or dabiltza

Urruzuno Salegi, Jose Miguel

 Beatak or dabiltza

 beti errezuan,

 suspiruak eginaz

 pausuan pausuan;

 iñork artu nai ez ta

 ara eta ona,

 orra estimazioa

 munduak diona.

 Goizero konfesatzera,

 goizero eleizan,

 norberanak gorde ta

 besterenak esan;

 korriotzat oberik

 ezin liteke izan,

 orra gure beatak

 zer moduz dabiltzan.

 Lapikuari palta

 zaionian gatza,

 gañera aragia,

 olio ta gantza,

 arrek bai dadukala

 beataren antza:

 sustantziarik ez du

 baña bai esperantza!