Ama-Birjiñaren Igoera zerura
Urruzuno, Pedro Miguel de
Deitzen digu egun
Onetan Mariak
Guazen kanta ditzagun
Beraren gloriak.
Ama guziz maitea
Emen bildu gera,
Zure seme-alaba
Guziok batera;
Kantatu nai genduke
Arturikan era
Lurretikan zerura
Zure igoera.
Deitzen, etc.
Gorputza obian ta
Anima zeruan,
Ill-ondoan Maria
Onela zeguan:
Elkartu gabe ezin
Egon luzaruan
Ikusiko da iru
Egunen buruan.
Deitzen, etc.
Izar ederrez daude
Beterik zeruak
Aetatik lurrera
Orra aingeruak;
Illeran jarririkan
Bedratzi koruak,
Dardaratuaz ¡ay zeiñ
Ederki! eguak.
Deitzen, etc.
Mariarea anima
Ondo egon arren,
Gloriaz beterikan
Orra non datorren;
Billa illik dagoen
Bere gorputz orren,
Zeruan lagun izan
Ditezen elkarren.
Deitzen, etc.
Jesus bera-re nola
Datorren begira
Amaren gorputz illa
Dagoen obira ;
¡O aingeru santuak
Jozazute lira,
Zuen soñu eder ta
Kantak! ¿noizko dira?
Deitzen, etc.
Gorputz eta anima
Elkarturik biak
Serapiñ bat diruri
Pizturik Mariak:
Jaunak egin dizkio
Grazi ugariak,
Poztu zaitezte justu
Ta pekatariak.
Deitzen, etc.
Zuk ainbat edertasun
Ez du illargiak,
Eguzkia diruri
Zure arpegiak,
izarrak berak beziñ
Ederrak begiak,
Jaunak egin ditu bai
Zugan mirariak.
Deitzen, etc.
Jesusek arturikan
Besoetan ama,
Aingeruen erdian
Zerura darama,
Ara kontatu ere
Eziñ ainbat palma,
Zeru-lurrak kantatzen
Dute zure pama.
Deitzen, etc.
Mariak egitean
Zeruan sarrera,
An daudenak,diyote:
"¿Zeiñ da piñ ederra?
"Jaunak bedeinkabeza
"Zure etorrera,
"Gurekin bizitzeko
"Emendik aurrera."
Deitzen, etc.
Begira nola diran
Zeruetan ari,
Batzuek soñu-jotzen
Bestiak kantari
Agur egiñaz danak
Birjiña santari,
Jartzen dute zeruan
Ango agintari.
Deitzen, etc.
Irutasun santuak
Zaitu koroatu
Aingeru ta santuaz
Gañetik goratu;
Zure doai guziak
¿Nola gogoratu?
Zuri begira iya
Pozaz naiz zoratu.
Deitzen, etc.
Agur Ama maitea
Ta arren aditu,
Etsaiak gu galtzeko
Milla asmo ditu;
Anima ez dezagun
Pekatuaz loitu,
Zeruan zaite guzaz
Sarritan oraitu.
Deitzen etc.
|