Aita Agustin Cardaberaz-i. Kantaera

Urruzuno, Pedro Miguel

 Zuri nai dizut, Zeruko Aita,

 Biyotzetikan eskatu,

 Etzadazula nik bear dedan

 Laguntza, arren, ukatu;

 Argi zadazu adimentua

 Mingaiñ lotu au askatu,

 Lan au dezadan ondo asita

 Obeki berriz bukatu.

 Aita Agustin Cardaberaz nor

 Zan esatera nua ni.

 Zorioneko erriya zera

 Lurrean ¡o zu Ernani!

 Guziyok asko zor diogula

 Or jayotako aur oni

 Aditu diyot, ez bein bakarrik,

 Dakiten zenbait gizoni.

 Milla zazpi eun eta iruan

 Abendun zan il! ura,

 Ogei ta zortzi garren eguna

 Zeñetan ziñan mundura

 Mancha bat gabe dana polita

 Oitetatikan burura,

 Negarrik ez ta parraz jayo da

 Aingeru baten modura.

 Aurchoa zala Donostiara

 Gurasoakin bizitzez,

 Joanik, nola an bizi izan zan

 Ezin esango det itzez;

 Enamoratu ziran zeruak

 Aurraren polit-politez:

 ¡Ai aingeruak nere ordañaz

 Emen mintza al-balitez!

 Ondo litzake ¡o Donostia!

 Zu erakusten astia,

 Nola Agustin kastigatzen zan

 Izanikan ain gaztia;

 Disziplinakin bere gorputza

 Odoldurikan guztia,

 Biyotz gogorrak bigundutzeko

 Asko zan au ikustia.

 Zillizioaz eta barauaz

 Gaztetatikan zan oitu

 Paltatu batez ere anima

 Etzualako nai loitu,

 Baldin gauz auek aut onegandik

 Jaunak eskatzen baditu,

 Penitentziaz beldur geranok

 Oraindik kontuz oroitu.

 Serafincho bat zirudizun zuk

 Aldarearen aurrean,

 Belauniko an jarririk zure

 Maite Jesusen urrean;

 Amorezko-suz pizterik zeunden

 Sarturik Biyotz berean:

 Orra Zerua nola zenduan

 Arkitu emen lurrean.

 Umetatikan Birjiña Ama

 Maitatutzeko kontua,

 Biyotz zurean jayotzatikan

 Beardu izan sortua

 Amairu urte zinduzelarik

 kastidadeko botua

 Egiñik, orra, zure biyotza

 Amarenakin lotua.

 Iruñen eta Balladoliden

 Zure birtute argiyak

 Estudioko lagun askori

 Zabaldu zizten begiyak;

 Danak Zeruko bidian jarri

 Esanik argi egiyak

 indartu eta pozten zituen

 Zure bizitza garbiyik.

 Zeru bertatik Birjiña Ama

 Etorririkan zugana,

 Adierazo zizun gozoro

 Zugandikan nai zuana

 jesuita zu sartzia zala

 Gauzarik onen onena,

 Pozik aditu zenduan oso

 Konseju Ama-onena.

 Oso poztua arkitu ziñan

 Konpañiara sartzian,

 Zure soñian Jesuitaren

 Sotanachoa jartzian,

 Kabitu eziñ ainbat atsegiñ

 Zenduala biyotzian

 Billagarzian ala diyote

 Aipa zaituzten guzian.

 Larros ederrik ere arantzak

 Beti berekin oi ditu

 Birtutetsuak mundu onetan

 Zerbait bear du sufritu;

 Gerra gogorra zuri egiten

 Etsaya etzan gelditu,

 Baña erregu zureak Jaunak

 Zituan ondo aditu.

 Probatu bear bazan bezala

 Bokazioa obeki

 Balladoliden sotana utzi

 Eta zinduzten iduki

 Zenbat sufritu zenduan emen

 Jainkoak bestek ez daki

 Biyurtutzeko berriz zizkitzun

 Berak atiak id:ki.

 Anzai onaren gisa, ardiyak

 Bazkatutzeko larrian,

 Zabaltzen asi ziñan Kristoren

 Dotriñ ederri lurrean;

 Pizturik biyotz Jesus onaren

 Amorezko su-garrian

 Nai izan dezu mundu guzia

 Irazekirik jarri-an.

 Bekatariyak zebiltzanian

 Jaungoikoaren igesi

 Jaun beragana ekar-erazten

 Ondo zenduan ikasi,

 Aingerurenbat ez izatekotz

 Ezin diteke ikusi

 Mundu guzian, zure parerik

 Amoriyuan Jesusi.

 Beste gauzatan etzenduala

 Pentsatzen baizik batian

 Arkitu ziran amorez urtzen

 Jesusen Biyotz maitian:

 Lagun zaiguzu Biyotz onetan

 Sarturik bizi gaitian,

 Zerua emen arki dezagun

 Lurrean gauden artian.

 Biyotz au danak maite zezaten

 Izan zenduan goguak,

 Artu erazo zizkitzun laister

 Aingeru baten eguak:

 Asko badira lanbide ontan

 Ateratako leguak,

 Askoz geiago dira egiaz

 Ateratako frutuak.

 Leku askotan oroitzen dira

 Gozoro zuzaz erriyak

 Dizkigutela non-nai ematen

 Ez guchi zurre berriyak,

 Kongregazio jesusen Biyotz

 Maiteari zuk jarriyak;

 Orra non dauden diruditela

 Jardin oraingo berriyak.

 Atentziyua choriyak dute

 Deitzen kantari kayolan;

 Zenduan egin ala, zaartu

 Ta gelditzian Loyolan,

 jendiak ara ekar-erazten

 Izan zenduan asko lan,

 Ejerzizio onak ematen

 Salbazioko eskolan.

 Italiara erbesteturik

 Bizitza guziz estura

 Zaartzarako zure barrunak

 ¡Ai zer pena ta tristura!

 jasorik zure esku-begiyak

 Fede biziyaz zerura,

 Enkomendatzen ziran Jesusen

 Biyotz amorez piztura.

 Gorrotuz, Jesus ill-arteraño,

 Ibilli ziran juduak;

 Modu berean diszipuluak

 Tratatzen ditu munduak;

 Zenbaitz ondo ichasten dizte

 Etsayak bere aduak,

 Oudo-egiñak ordaindutzeko

 Oriyek dira moduak.

 Gaztelu bakar San Juanguan

 Boloniako albuan

 Eriyotz santu bat egitea

 Zendukan beti goguan,

 Beragana zu eramateko

 Jesus deseoz zeguan:

 Mundutik orain bazuaz; agur,

 Deskantsa zaite zeruan.

 Atozte orain kristau maitiak

 Eta begira zerura;

 ¿Nor da gloriyaz apaindurikan

 Goyan ageri dan ura?

 Amoriyuaz dago erretzen

 Serafin baten modura,

 Jesusen Biyotz maite-maitian

 Sarturik guziz barrura.

 Zerutar danak galdetzen dute

 Arriturikan chit-beraz

 "¿Nor da ageri dana jantzirik

 Gloria andi ederraz?"

 Aita Agustin Cardaberaz da

 Ezagutzen det nik erraz;

 Al dedañoan bere kondaira

 Esan dizutet euskeraz.