Betaurreko baltzak
Urkiza, Julen
Betaurrekoak
baltzak berarenak;
bai, atzoko baltzak
begi urdiņentzat.
Ez nau arritzen, ez, betaurreko baltzak
sudur-mordozka ain gaiņean
kerizpe tximurretan ikusteak.
Biotzetik argi maitatuz,
ikusi, zuri ikusten dau.
Biotzeko argiaretnzat
betaurreko baltzak
ez dauke zer-ikusirik;
ez dabe ezagutzen umezurtzik,
ez dakie zer dan jantzi illunik
ez dauke illuntasunik
Auxe diņoste umetxoak.
Itsuen betaurrekoak
ez dauke kolorerik;
arimen argitasunak
ez dan betaurreko zuriren bearrik.
Baltzak izan bai,
baiņa ikusi dagi
biotz gaiņean
urruti be argi:
Umeak eskuetan laztanduz,
bat-batean euren praille urteak
poztasun beroaz gozatuz..
Filosofuak ez dakie
zelan betaurreko baltzakin
argi-zuri,
biotz-argi,
buru-bizi
ikusi leiteken...
Ez dakie, ez dakie!
Nik badakit umetxoak dakeina:
baltzagaz zuri ikusi leitakena:
amaren altzoan nengoala
betaurreko orren atzetik,
zuk! ikus-ikutu zenduan
nire etorkizuna!
Gure Jainkoak ez dan betaurrekorik,
biotz gartsuek ez dabe begi-illunik...
Ez, zuk ez daukazu betaurreko baltzik!