Milla ta bederatzireun da
Urkia Portu, Juan Bautista (Gaztelu)
Milla ta bederatzireun da
ogei ta zortzigarrena,
bertso berriyak ateratzeko
dago gairik ederrena,
bi egunetan estropak ziran
kanpora eta barrena,
danak irabazita zer poza
aurten Oriyotarrena!
Ondarrabitik desafiyua
bota zuten lendabizi,
paperetan nola etorri zan
askok genduen ikusi,
andikan laister Donostiyara
ditugu ekarri-azi,
lendabizikuan jokatzeko
ez ginduen jarri-azi.
Jose Ugeunekin asiyak
apustura zerratzeko
orrekin etzutela aiek nai
Txokolate akartzeko,
Manterolak itza eman zuan
estropa ori jokatzeko,
orren premiya bazan erriyan
diru puska bat sartzeko.
Orduan se'alia bota zan
eta ga'era jokua,
lau milla duro batel da arraun,
badala uste det naikua,
eta gaņera trabesa franko
badegu egindakua,
oiek guzyak Manterola da
an irabazitakua.
Inazio Manterola dago
arraun-lanian bikaņa
orrek ederki artutzen diyo
bere lanarti tamaņa
orrelakuak leku gutxitan
orain daude alajaņa,
aurrera ere sano bada orrek
egingo du askok aņa.
Txokolate eta Araneta
gogor abiyatu zian,
alkar ausi eziņikan biyak
oso biraje luzian,
baņa Inazio Manterola
laiste zan gallen-antzian,
berrogei eta zazpi segundoz
an utzi zuen atzian.
Arratsaldian berriz jokatzen
arraunketa ederrian,
oien artian zer gertatu zan
nago esan biarrian,
Ondarrabitar ori piska bat
izangatik aurrian,
Inaziok batel mantsuakin
segitu ziyon urrian.
Ogei ta emeretzi segundoz
Manterolak irabazi,
ez dakiyenikan baldin bada
dezala ondo ikasi,
Txokolatek lan oiek eginda
graziyak ditu merezi,
arraun-lanian Ondarrabiko
Araneta dezu ausi.
Manterola ta kontrariyua
daude orretan yayuak,
nolanai ez dirade egiten
orrelako aziyuak,
goiz-arratsalde egiņak dira
izugarrizko sayuak,
biyak dirade arraunlariyak
orretarako jayuak.
Zer gertatu zan arratsaldian
nai nuke adierazi,
baxoko bapore bat txistuka
aguro zitzaigun asi,
aiengandikan orrelakorik
iņork etzuen merezi,
zer borondate daukaten oiek
ederki degu ikusi.
Arraunlariyak egongo dira
Ondarrabiko partian,
baņan obiak azaltzen dira
Oriyotarren artian,
aurrera're guziyok pakian
erriyan izan gaitian,
berriz ere zerbait egongo da
indarra dan bitartian.
Illaren ogeian izan dira
estropa arrigarriyak,
Oriyotarrak egin dituzte
marka ikaragarriyak,
premiyorikan onenak dira
egun ortan ekarriyak,
orrekin eztu kalte izango
San Nikolasko erriyak.
Kontu politak badira emen
orain goguan artzeko,
zenbait gizonen oponiyua
beti diruba galtzeko,
baxo aldeko jende oriyek
daude guri bengatzeko,
medikurikan ezin billatu
lengo miņa sendatzeko.
Bertso bat orri ateratzeko
orain artu det idia,
treņerua ta batel ederrak
orrek egiņak badia,
enbargaziyo onak egiten
dauka abilidadia,
nun billatu gentzake beste bat
ori dan baņo obia?
Ramon Solaberrietak zuen
aurrenekua atera,
ta Makazaga urrengua zan,
gezurrik jarri ote da?
biyak ederki egin dute ta
ez nua gaizki esatera,
iņork nai badu onetatikan
emango diyot papera.