On Klaudio Otaegikoari

Uranga, Juan Ignazio

 Fuero zarraren landarearen

 Sustraiyetatik sortua,

 Zuben jaun onek euskerarentzat

 Naitasun egiyazkua;

 Ama euskara gozoagatik

 Zeukan biyotza sutua,

 ¿Zeñek kantatu bear bezela

 Bere lan baliyosua?

 Gaitz gogor batek menderaturik

 Eriotzak badarama,

 Ondarrabiko izkribatzalle

 Euskaldun, bikaiña zana;

 Izkriba zagun euskal gazteak

 Beragatikan aldana,

 Zein zan guztiyak ando dakigu,

 Antziña dago esana.

 Orain ¿nolatan beteko degu

 Utzi digun uts-aldiya?

 Esnatzea da bada komeni

 Lotatikan gazteriya;

 Ea, mutillak, apain dezagun

 Guztiyak Euskal-erriya,

 Bai eta ere euskaldun maisu

 Zanaren izen aundiya.