Mandataria (Bide berritan)

Uranga, Juan Ignazio

 Esku otar bat-arturik doa denda danetan

 Galde egiñaz, zer gauza bear diran ekarri,

 Bada aztutzen bazaiyo ezer dendariari

 Ez da aztuko begiratzia apalchuetan.

 -Piper belch edo azukrerikan potochuetan

 Begira beza dagon, ez gero deus esan neri-

 Au diyo bada esaten dendan daguenari

 Gero ez dezan ezparik izan argan ezertan.

 Mandatu danak artu ta gero astoarekiñ

 Ekiten diyo eguneroko bere lanari,

 Gonak gerrira jasorik, eta zigor batekiñ

 Berotzen dizka bi anka zañak abereari;

 Ta joan nai ezik jartzen bazaiyo seta charrakiñ

 Atze aldetik bultzaka diyo esaten,-¡arri...!