Maite zaitut
Uranga, Juan Ignazio
Pozezko itz bat aditu nairik
Maitecho, zure abotik,
Pasa izan naiz ¡izar ederra!
Askotan zure ondotik:
Emango dizut gauza pollit bat
Aterarikan kolkotik,
Jarri dezazun lepo zurian
Chinchilik lokarrichotik.
Gauza guchi da bañan alare
Asko baliyo dubena,
Onela dizut adierazten
Zuria naizela dena;
Maitetasun au, jakin beazu,
Da nere biyotzarena,
Ezagutu ta andikan laster
Zugana artu zubena.
Badet ama ta badet anaia
Asko maite dituanak,
Bañan bakarrik zuk dizkidatzu
Aztu arazitzen denak;
Maitetasunak berekiñ dauzka
Poz ta negarrezko lanak,
Orren azpiyan gaude gazte on
Biyotzez prestu geranak.