Udabarria

 Diz-diz eiten dau argi eguzki ederrak

 Iges eginda gero negu gogor motzak,

 Urraturik laño baltzak goigañetan jarririk

 Lur gaisuak bero gozoz izten dituz bizturik.

 Berdez polito dire jantziten kanpuak,

 Otzak ilda billostu zitunak neguak,

 Aise aserre gaisto latzak largaturik auspuak,

 Auspolari jarten dire aise bigun gozuak.

 ¡Agur udabarriya maitecho ederra!

 ¡Agur zorioneko erarik oneena!

 Ezpaiñchoti jariotzun irribarre bigunak

 Bizi, lorez, usein gozoz betetzen dituz danak.

 Neguaren gañean goitari jarrita

 Zara soñeko zuriz agertzen jantzita,

 Zelai laubak tun, tun, tun... iturriak mur, mur, mur

 Chorichubak pio... pio... eiten deutsube agur.

 Inzotz azpiko ale, sustraiak, landarak

 Erneta besairatzen dituzte kapelak.

 Bizidun dan zure indar, egindun dozun putzak,

 Desegiten dituz inzotz lanbro, leisak, edurrak.

 Zorioneko zure zeregina, lana,

 Lurrak barriro gaste jartzea izan da,

 Jarraiturik lan oni zuk, urteoro barriro,

 Izatea dozu jarten len zan bezain gastecho.

 ¿Zergaitik ¡ai! zergaitik egiten ez dozu

 Au berau gizonagaz laztan zuk au bozu?

 Bere lora eder eder umetasun-ekoak

 Motzituten dituz laster denporaldi geistuak.

 Gastechoaren biotz maitagarrichoa

 Likurtz-useñez daude lurruntzen guztia;

 Inzotz eta galtzairuzko ikuturik besoaz,

 Miñen puruz igerturik lurperuntza daroaz.

 Negua beriala jaiotza guztiri

 Doa, zu ikusita, lotsariz igesi;

 Baña zuk ¡ai! gizonari ez deutsazu sekula,

 Bizkarreti beera jasten negu makur astuna.

 Udabarri bakar bat eta ez besterik,

 Zeruak oni deutsa emoten bakarrik,

 Eta presto, laster, arin dijuako egaka

 Uda-laño, ke me lurrun, aise putza bezela.

 ¡Udabarri bat deutsa emoten zeruak!

 Eta bere atzeko, negu leitu motzak,

 Edurrez dau zapalduten, añubez inguratzen,

 Eguzkiak, kendubarik, deutsazanak ichiten.

 Lora, kolore, useiñ arbolachoari

 Barriro zuk deutsazuz emoten ugari,

 Gizonari galdulorak ez deutsazuz emoten,

 Ez deutsazuz, iljakozan, ames-lurak biztuten.

 Igesi dijuadan udabarri oni

 Abegi on, denpora, eiozu imini,

 Eta deutsut eskatuten, aldaidala jachi nik

 Beti-bizi-luracho bat iltokira bakarrik.