Hiru izarren argia
Trounday, Piarre
Maite diren izaite batzu goretsi nahi direlarik, bainan kausi ez
daizkenean izaite hoieri doazkioten aski gorako hitzak, edo ez
jakinean nola egin hobeki, zer da egiteko? Ahal denai! Ene
kasua da! Bainan eginbide.
- Lehenik: duela zonbait egun jakina nuen, aspaldi huntan
ezagutzen dutan Joseph Camino jaun apezak hogoi ta hamabost
urte apezgo betetzen zituela eta ez nitzaio egon ahal izan hau
eskainigabe. (Lehenhunenaireaedo doiñua: (Ttiki ttikitatik aitak et'amak).
1
Badu hogoita hamabortz urte, zutaz berea eginez
Jainkoak apeztasunerako bete zintuen dohainez
Lan eder hortan haundi zabiltza itxaropena erainez
Mundu trixte hau eskasian da zu bezalako artzainez.
- Bigarrenik jakin dutana zonbait egun barne, maite nuen
izaitea, bat balinbazen! Oseba Julien, ixtripuz kolpean hil dena.
(Hunen doiñua: «Egun bakea zutaz», Xalbadorrena).
2
Biziko galdeari hiltzea erantzun
Otto, ustegabean, huna nun jin zautzun
Hoinbertze zinuena bizi alaitasun
Ikus ote dirozu zonbat bagitutzun
Zuretzat daukagunak betikotz maitasun.
- Hirugarrena: ustegabe sarraskian gaudelarik, bihotza oraino
negarrez, huna berna Euskal-Herritik irratiek hedatzen dutena
Maite Barnetche, euskaldun izaite argi bat mundutik joan zela.
Zein pizu den bizi hau zonbait aldiz. (Doiñua: bera).
3
Kendu dio argia, ezarri ixila
Euskaldun izar baten Jesus jin da bila
Jo zak itxaropena, euskaldun ezkila
Gore galde hunekin elkartu hadila
Maiteren antzekoez sort dadin bi mila