Euskal gau ikasketak Bordelen
Trounday, Piarre
1
Beti nekea baitzen euskaldun bizia
Lehen ainitzek bazter zaukaten utzia
Halere beren haurrer hau erakatsia
Beti bazaukatela argman hazia
Nortasun xahar baten jite berezia.
2
Zaletasun hau bizi egon gizaldetan
Hain xuxen euskal ume frantsestuen baitan
Astelehen, ortzegun astean bietan
Zintzoki ari dira euskal ikasketan
Bordelen xutik dagon euskal etxe huntan.
3
Gauazko ikasketak Bordelen egiten
Euskal umeen ume hok ikasterat jiten
Izaitezko jaidurak zaizkiote pizten
Nahi dute geroan gai on izan diten
Gogoan dutenaren euskaraz erraiten.
4
Oi! Zu ama Euskara, oroz xaharrena
Beha nola munduan argitan zaudena
Zure haurren zu ganat berriz itzulpena
Bordelekoen eta bertze ainitzena
Maite zaituztenentzat zer itxaropena!