|
Ur-txoria
Pagogaņa
Apartxoa bezin txuri
urdin zabalean,
itxasoa zure pean,
zabiltza laztanki.
Zure oboak aizean,
orbantxorik gabe,
txundioz betetzen naute
atseden gozoan.
Ekaitza datorrenian
lerturik enbata,
zeru-lurra beltzatu-ta,
gorde zaude kaian.
Gero, itxaso gaņean
ugiņei iņaka;
eguzkiari galdeka
arraiak nun diran.
Zergaitik urrundu ziņan
atzo guregandik?
Aldendu ote begitik
zorion billeran?
Eskutatu ziņenian
kexagarri nintzan
aldarrikatzen errian
zu nun ote ziņan.
Etzaitez belutu, otoi:
pozkiro aizean,
goi-zabalaren erdian
arki laister burgoi.
Bigar, soin txuriz Jantzirik,
egalak zabalik,
aingeru lez argiturik,
ikusiko ote nik?
|
