Gaztelu-zar
Pagogaña
Betiko lagun on
Joshe Arteche'rí,
Jakin gabe noiztik
Bidasoa'ri so,
illun zaude etzanik
betari ezin jo,
nunnai zabaldurik
sasiak estalki,
sugea txistuka
eguzkian nagi.
Gau-giro danean
alai ta betargi,
itzalen artean
naibaitzen oi dira
urrats apalgarri:
Gaztelu-zarreko
Yoanes eroa
bere txabolatik
irten-ta atarean:
Atoz, bai, zerutiar
Zaindaria Miguel,
etsaikeri oro
suntzitu itzazu,
gure Lur osoa,
otoi, berri zazu.
Bein, barna sartzean,
ormako arria
erori zitzaion
burua gañean.
Pozik aguriak
goruntz begira ta:
Zorioneko unea!
Or zauden Donea
ar nere gogoa.
Bañan bein betiko
euki on bidean
Lur odolzalea.
|