Bizirik naiz, bainan ez, Jainkoan naiz bizia

Teresa de Jesus

 1.

 Bizirik naiz, bainan ez, Jainkoan naiz bizia;

 Orai, hark hazirikan, hartan natza guzia.

 Hura zeruan beharrez,

 hiltzen ezin hilez.

 (-Ni bizi naiz, baiñan ez, Jainkoan naiz bizia;

 Orain ark azirikan, artan natza guzia;

 ura zeruan hearrez

 iltzen naiz ezin ilez.)

 2.

 Amodio puru bat sartu zait bihotzean,

 ene Jainkoarekin bat egin naizenean;

 ahitua haren minez,

 hiltzen naiz ezin hilez.

 (-Maitetasun uts uts bat sartu zait biotzean,

 ene Jainkoarekin bat egin naizenean;

 akitua aren minez,

 iltzen naiz ezin ilez.)

 3.

 Hula bizi, hula iraun, o dolore tristea!

 Bizitzea da, Jauna, zu gabe bizitzea?

 Beti hunela egonez

 hiltzen naiz ezin hilez.

 (-Ola bizi, ola iraun, oi biotz-min nekea!

 Bizitzea al da, Jauna, zu gabe bizitzea?

 Beti onela egonez

 iltzen naiz ezin ilez.)

 4.

 O arrasta maitea, hil nadintzat emana,

 betiko zoriona berekin dakarkena!

 Ukitua haren kolpez

 hiltzen naiz ezin hilez.

 (-O epai txit maitea, ni il nadintzat emana,

 betiko zoriona berekin dakarkena!

 Ukitus aren kolpez

 iltzen naiz ezin ilez.)

 5.

 Amodio zoroa! Bizi dolorezkoa!

 Ziakusat bertze bat bezalakoa.

 Orain hark emana indarrez

 hiltzen naiz ezin hilez.

 (-O maitasun zoroa! Bizitza nekezkoa!

 Bezakusat beste bat i ez bezalakoa.

 Orain ark eman indarrez

 iltzen naiz ezin ilez.)

 6.

 Lurrean den bizia herio bat daiteke;

 zeren herioak baizen ezin ken baitdezake.

 Orai ere, hark iraunez,

 hiltzen naiz ezin hilez.

 (-Lurrean dan bizia erio bat daiteke,

 ori iltzeak baizik ezin kendu dezake;

 orai ere ark iraunez,

 iltzen naiz ezin ilez.)

 7.

 Heriotze triste bat da orai ene bizia,

 gau ilun bat da orai ene argi guzia:

 bizi hark berritu gaitzez

 hiltzen nai ezin hilez.

 (-Erio goibel bat da orai nere bizia,

 gau ilun bat da orai ene argi guzia:

 bizitzak dituen gaitzez

 iltzen naiz ezin ilez.)

 8.

 Bizirik hil, hilik bizi, o bizi hilgarria!

 Hagorandua dolorez, hiltzerat dut lehia:

 ezin konplitu desirez,

 hiltzen naiz ezin hilez.

 (-Bizirik il, ilik bizi, o bizi ilgarria!

 Minez erdiratua, iltzera dut leia:

 nere nai ezin asez

 iltzen naiz ezin ilez.)

 9.

 Badakizu; ene Jauna, zu zaitudan menetik

 damuari atsegina darraiola ondotik;

 Ah, zohazkidan beldurrez,

 hiltzen naiz ezin hilez.

 10.

 Badakizu, oi Jauna, zu zaitudan menetik

 damua atsegiñari darraiola ondotik;

 o, zoazkidan beldurrez

 iltzen naiz ezin ilez.

 11.

 Urrent zazu, Jaun ona, agonia luze hau,

 ezen zu gabe biziz, bihotzak ezin dirau;

 azkenekotz, zure minez

 hiltzen naiz ezin hilez.

 (-Buka zazu, ene Jauna, nere neke luze au,

 zugabe bizi izanez, biotzak ezin dirau;

 azkenekotz, zure minez

 iltzen naiz ezin ilez).

 12.

 Urra, borrozka zatzu ene gate lodiak,

 zeru gorak idekirik, han bat ene nahiak;

 gate hek ezin jasanez,

 hiltzen naiz ezin hilez.

 (-Urra, porroka itzatzu nere kate lodiak,

 zeru gorak ideki, an ase nere naiak;

 kateok ezin jasanez,

 iltzen naiz ezin ilez.)

 13.

 Baina, ez, ene Jainkoa, hek behar ditut jasan;

 Egizu zure graziez, gogotik har detzadan.

 Bizitzeko paira; non ez,

 hiltzen naiz ezin hilez.

 (-Baña ez, ene Jauna, ok bear ditut jasan;

 egizu zure eskerrez gogotik ar ditzadan:

 bizitzeko paira; non ez,

 iltzen naiz ezin ilez.)