¡Zer ederra!
Soroa, Marcelino
Uda berri gosoan
¡zer gauz ederra den
goizian goiz jaikita
mendiyan ikusten
diz-diz ziargiekin
eguzkia azaltzen!
mundu ontan ez det nik
oberik arkitzen.
Emen zelai berdeak
edo basatia
chori otseztiekin
an chito chikia,
non nai sortzen dutela
poz churagarria
¡bañan zer ederra den
goiz goiz jaikitzia!
Ibayetan ikusten
ateak igari
baratz apainduetan
loreak ugari,
aldamenean berriz
kirkir soñulari
piskabat aruntzago
zozoa kantari.
Arkitzenda nai bada
leku gerizduna,
iturri bat onduan
garbi ta chukuna,
basocho bat arrenak
dakar osasuna
¡nolatan ederrago
goizetik eguna!
Erreberua gero
artu bitartian
ibilli gora bera
marrubi tartian.
¡Zer ederra den ori!...
bai, bañan oyian
egotia, ederrago
amaikak artian.
|