¡Ez da ba alajaña!

Soroa, Marcelino

 Picharreko botilla

 besuan zubela

 presaka kalietan

 zijuan Mikela.

 Amabiyak zintzilik

 lanian senarra

 bañan otordubetan

 bidian azkarra.

 Edertasunen gañez

 Mikela gaztia,

 ikusteko zan arrek

 zeraman aidia.

 Nola Pranchisku zegon

 kalia garbitzen

 asi ziran alkarri

 galde t' erantzuten.

 -Esan nazu Pranchisku

 ¿emen goi aldian

 sagardorik onena

 nun da?

 -Kupelian.

 -¡Arrayia! ¡ta nola

 zera zu arkitzen

 orrenbeste jakin ta

 kalia garbitzen?