Sardiña bizi-biziyak!
Endonegi, Ziriako
I
Oñutzik eta altzoa goian
arturik otar aundiyek,
Goizean-goizo esnatzen dabe
ingurutako erriyek.
Jo batera ta jarrai bestera
ai! aben ibil-aldiyek,
Deika ta deika gelditu barik
Sardiña bizi-biziyek!!
II
Arraisaltzallek izaten dabe
neke asko ta gogorrak,
Txanpon batzuek irabasteko,
asko ibilli bearrak.
Bañon nekiak eztauz beldurtzen
batez be Ondarrutarrak,
Deika ta deika jarraitzen dabe
Sardiña eder-ederrak!!
III
Eztauz beldurtzen egualdi txarrak
eztare aise-euriek,
Alai ta bixkor jarraitzen dabe
Petra, Iñasi, Karmen, Kontxesi!
etorri ariñ guztiek,
Que se acaba! Que se acaba!
Sardiña aundi-aundiek!!
IV
-Aizazu Mari, atoz onera,
¨zelan dozu oraingue?
-Eder-ederra daukot, Iñasi
oraintxe arrapatue.
Zeu zaralako egingo dautzut
zerbait gutxio kontue,
artuizu-artu saldu baño len
Sardiña presko-preskue!!
V
-Jarri zaidazu platertxo ontan
banan-banako aundiyek,
-Oraintxe bertan jarriko dautzut
zuk nai dituzun guztiyek.
Ariñ ibilli bearra daukot
salduko baitut erdiyek,
Deika ta deika gelditu barik
Sardiña aundi-aundiyek!!
VI
Eztarri dena urraturikan
zenbat marru eta marru,
Buru eta soin buzti-buztirik
ple ple kanpo eta barru.
Bañon alare ariñ-ariñka
doa Maria Ondarru,
Deika ta deika gelditu barik
Sardiña eta txitxarru!!
VII
Ondar ta kresal inguraturik
kabi pollit ta fededun,
Andre Marie Antiguakue
dute zaindari ta lagun.
Bikaiñak dire itsas ta legor,
dantza, kantun ta arraun,
Euskaldun zintzo jatorrak dire
kanpo ta barru Ondarrun.