inprimatu
Santa Krutz
Izenburua:
Santa Krutz
Sinadura:
Andonegi, Ziriako (Kuireka, A. Z.)
Urkizaren iruzkina:
Egilea(k):
Andonegi, Ziriako

Argitalpena:
Zeruko Argia.
Urtea:
1957
Argitalpenaren urtea:
22
Alea:
40.zk.
Orrialdea:
260

 

 

 

 

faksimilea ikusteko


Santa Krutz

 

Andonegi, Ziriako

 

 I

 

 Zelai ta mendiz inguraturik

 «Maya'tik» goiko aldera,

 Ermitatxo bat aurkitutzen da

 ­o zein ederra da bera!

 SANTA KUTZ zarrak diz diz dario

 ixpillu baten antzera,

 Arrantzale ta nekazarien

 babes lekua zu zera.

 

 II

 

 Itsas aldera begira zaude

 zure besoak zabalik,

 Gure nekeetan laguntzeatik

 Gurutze Santu ortatik.

 Bai gure Jesus ­Aita maitea!.

 Zugatik gaude bizirik,

 Itsas ta legor gorde gaitzatzu

 zoritxar guzietatik.

 

 III

 

 Poz ta atsegiñez, Jesus laztana,

 gaur gatoz danok kantari,

 Agertu nairik gure esker-on

 Zure biotz maiteari.

 Aurrera ere lagun zaiguzu

 Zure seme guziori,

 Begiraturik errukiz beti

 Motriku'ko erriari.

 

 IV

 

 Poz artu degu Aita Onaindia

 SANTA KUTZ'en ikustia,

 Gogo-jardunez egiña digu

 bere alegiñ guztia.

 Igarri gabe igaro degu

 mixiotako astia,

 Biotz barrenen gorde ditzagun

 jaun orren erakustia.

 

 V

 

 Izlari bikain oso trebea

 degu Onaindia jauna,

 KALBARIO'ra etorri zaigu

 itz egitera gugana.

 Goguan ondo artu ditzagun

 irakaslien esana,

 Umil ta zintzo beteaz beti

 ark esaten digun dana.

 

 VI

 

 Aste osoan zuzendu digu

 gogo-jardunen egintza,

 Gure animak gaizkatutzeko

 bearra degun lagintza.

 Lagun urkoa-maitatutzeko

 ematen zigun agintza,

 Agindu ori bete ezikan

 alper-alperrik gabiltza.

 

 VII

 

 Egi ederrak esan dizkigu

 ulertutzeko moduan,

 Argi ta garbi pentza dezagun

 zertako gauden munduan.

 Nondik gatozen, nora goazen,

 ongi artzeko goguan,

 Sari eder bat artu nai bada

 eriotzako orduan.

 

 VIII

 

 Eskerrak Zuri; Jesus maitea

 danok dizugu ematen,

 Auzpezturikan Zure aurrean

 biotzetikan eskatzen.

 Gure eriotz-azken orduan

 lagun zaiguzu gaizkatzen,

 Gero Zurekin izan gaitezen

 betiko zeruan. Amen.

 


inprimatu