Misioak Motrikun
Andonegi, Xiriako
I
Gurutze Santu egin ondoren
asi naiz bertso lanian,
Argi ta garbi azaldu nai det
gure izkuntza garbian.
Itzaldi ederrak izan ditugu
mixiotako egunian,
Neu aurren-aurreneko nintzala
guztiok geunden premian,
Pakea eta zorion utsa
izan bedi gure errian.
II
Aita Lasa ta aita Alustiza,
eta aita Urbistondo,
Izlari bikain ta obiagorik
ez dira asko egongo.
Kriston legiak ondo dazkite
ortan daude guztiz sendo,
Aiek guziak jakitzearren
zer ez genduke emango,
Obe genduke Mutrikutikan
ez balirake joango.
III
Goguan ondo artu ditzagun
mixiotako esanak,
Zigor gogorrak izango ditu
zuzen ibiltzen ez danak.
Saia gaitezen zar eta gazte
emakume ta gizonak,
jaungoikoari beti eskeņi
gure otoitz eta lanak,
Kontatzekoak dira munduan
gelditzen zaizkun egunak.
IV
Zer zoritxarra mundu ontako
gure bizitza argala,
Labur ta jator azaldu zuten
zer dan pekatu mortala.
Baldin zuzentzen ez bagerade
Kristok agindu bezela,
Dudarik gabe gure anima
betiko galduko dala,
Deabruaren atzaparretan
denok jauziko gerala.
V
Gogor ta zorrotz esan ziguten
zein garratza dan aitortza,
Entzule denoi jarri zizkigun
erdibiturik biotzak.
Atozte denok! Atozte bada!
entzun jaungoikuan itza,
Elkar ikusi eziņik denok
engaņaturik gabiltza,
Aitortu eta zuzendu zagun
gure munduko bizitza.
VI
Biotz biotzez alkar maitatzen
munduan saia gaitian,
Ibilli gabe alkar ondatzen
geure buruen kaltian.
Etsai artean galdu ez gaitzan
betikotasun guztian,
Alper-alperrik damu izango da
gero denbora joatian,
Egunen baten bildu gaitezen
denok zeruen erdian.
VII
Lagun urkoa maitatutzeko
agintzen digu dotriņak,
Agindu auxe ondo betetzen
egin zagun alegiņa,
Zenbat ta zenbat ikusten gera
biotz gabeko xixtriņak,
Mundu onetan galdutzen gaitu
alkar ikusi eziņak,
Aurrerantzian izan gaitezen
Aurrerantzian izan gaitezen
kristau jator eta fiņak.
VIII
Anai-arreba maite-maiteok
pentsatzen jarri bakoitza,
Nun, noiz, ta nola izango ote da
gure azken eriotza.
Pobre ta aberats denok il bear
au da gure zorigaitza!
Epaikari bat bakarrik dago
Bera zuzen ta zorrotza,
Emendik ez da iņor libratzen.
alper-alperrik gabiltza.
IX
Aste osoa igaro ondoren
goiz, arratsalde, gabian,
Ikusgarria zegon benetan
azkenengo egunian.
Gizonezkoak millatik gora
ziran igande goizian,
Jesus maitea artu zutenak
beren biotz barrenian,
Zerua bera irudi zuan
bere edertasunian.
X
Aita Lasa'ren azken agurra
entzun genduben gogotik,
Negar-zotiņ ta malko goxoak
geunzkala begietatik
Jarri zaitezte guzi-guziok
orain belaunikaturik,
Aita Santuen bendizioa
emango det nik emendik,
Agur guztioi! Agur Mutriku!
Agur biotz-biotzetik!