Lourdes
Manterola, G.
Lur zabaleko alde danetik
maitasunaren indarrez.
zar eta gazte, aberatz, txiro,
elbarrituak be aurrez,
Izugarrizko giza-taldetan
zugana doaz yoranez;
kistar guztiok zuganatzeko
zer indar dozu Lourdes?
Egundo bere ez da ikusi,
iņon be lur zabalean,
ainbeste enda eta izkuntza
maite-beroz otoitzean,
biotzak taupaz, begiak adi
aitz-zulo baten aurrean...
Au ikusirik gau eta egun,
gogoa dot yakingurez:
olan biotzak zeuregantzeko
zar indar dozu Lourdes?
Or dira gexo, elbarrituak,
naigabetuak, millakaz,
mundu guztitik eldu diranak
gaitz bildurgarrienakaz,
apal-apalik, ustez beterik,
maitasunez biotzean,
Lourdes'eko Sortzez Garbian
irudiaren aurrean,
osasun ala eroapena,
eskatzen gogo biziaz,
Zeruko Aman esku onetan
gurari danak itxiaz.
Au ikusirik gau eta egun
itaun dagit yakingurez:
Ainbeste biotz zeuganatzeko
zer indar dozu Lourdes?...
Eun urte dira, Sortzez Garbia
Gabe ibayan ondoan,
Bernarde'txori ager-yakola
urbil dagon aitz-zuloan...
Arrezkerotik toki dontsu au,
biurtu da zeru-txiki,
An zenbat gorputz ta gogo gaxo
osatu diran, nok daki?...