Eriotzorria
Selgas, J.
Eriotzorria da chit ederra,
Galaiki dago jantzirik
Bañan eremu bereziyetan
Bizitutzen da tristerik.
¿Zergatik ez da bere orriyen
Azpiyan sortzen lorerik?
¿Zergatik lore au bizitzen da
Bereziturik, bakarrik?
¿Zer penak dute tristetzen ala?
¿Zer atsekabek samintzen?...
¡Loreak! entzun bere kondairak
Zer irakasten dizuten.
Eriotzorriya zelaiyan bizi
Zan eder, liraiñ, galantik,
Bere itzalpean, murmurrez zegon
Iturrichoa pozturik.
Eta zelaiyan, bordatutako
Bagetan ikus zituen
Lore chit eder miragarriyak,
Usai gozoa zabaltzen.
Izan zituen eziñegonak,
Estutasunak, antsiyak;
Oro bat, ere, bekaitzak; baña
Jakiñik egun-sentiyak.
Birali zuen urrutiyetan
Bakarrik zedin bizitu,
Bada bekaitzak, ukitzen duen
Guztiya zikiñ uzten du.