Begoņa'ko Ama Ondarroa'n
Andonegi, Ziriako
I
Zar eta gazte, neska ta mutill
zeru ederren azpian,
elkartu giņan pozez beterik
Ondarroa'ko errian.
Uste genuen begengozala
zeruen erdi-erdian...
toki oberik ez zan egongo
ludiko legor guztian.
II
Ama maitea, irtenda zabiltz
Begoņa'ko jauregitik
ĢAtoz, Amatxo, gure errira!ģ
diote Ondarroatik.
Atoz onera, entzuten dezu
sendi guzien aldetik,
maite zaitugu emen guziok
biotz barren-barrenetik
III
Izarrak zoli, zerua garbi,
ilargi argi-argia,
oraintxe dator Markiņa aldetik
Begoņa'ko Ama Maria.
Eliz kanpai ta itxas ontzien
burrundaren zaratia,
Gora! ta Gora! deadarrezka
dago Ondarru guztia.
IV
Ixil ta tinko geunde guziok
gau argi izarratuan,
arrigarrizko argitasun bat
inguratu zan orduan.
Koroi ederrik buruan,
Zoragarrizko Ama Maitea
agertu zan Ondarruan.
V
Kalerik-kale zar eta gazte
guziak eliz-aldera,
Zeruko Ama goratzearren
Jaungoikoaren etxera.
Makur-makurrik apaltasunez
eskariak egitera,
biotz barrendik maitetasunez
Egizko Ama agurtzera.
VI
Gora Amatxo Begoņa'koa!
garbitasunez betia,
errietatik errietara
zabiltzan Ama maitia.
Ongi etorri! Au da, au poza
gure errian ikustia!
Orain ta beti gure zaindari
Amatxo izan zaitia.
VII
Kalean zear ibilkundean
bakoitza bere lekuan,
abots ederrez abestuz denok
geure Amaren onduan.
Biotz-ikaraz guztiz artega
negar ta negar nenguan,
arriturikan non ote nengon,
lurrean edo zeruan.
VIII
Edertasunez guzia txuri
koroi ederra buruan,
zerutar Ama ondo jantzita
oso ederki zeguan.
Ama Antigua'ko irri-parrezka
poz-pozik bere albuan;
egun onekin ez gera aztuko
geure bizitza osuan.
IX
Begoņa'ko Ama ta Antigua'koa
dabiltza biak batera,
zapi txuriaz estaldurikan
uso txurien antzera.
Bizkai guztitik inguraturik
denak Ondarra aldera,
edertasun au ikustearren
berriz etorriko gera.
X
O! Gure Ama Zoragarria!
ederrik bada ederra,
biotz barrenen sortu dizkigu
maitetasunen su-garra.
Zu zera gura alaitasuna
ta egizko Ama bakarra,
Zugan daukaguna itxaropena
Zeruetako izarra.
XI
Ama ber-berak agertu zigun
beraren maitetasuna,
guk ere pozik eskiņi giņon
betiko zintzotasuna.
Au bai guretzat, Ama laztana
zorioneko eguna,
posen beterik geunkan biotza
guzion Ama kutuna.
XII
Egunabarrez, gau eta egun
atseden gabe lanian,
jo batera ta jarrai bestera
zerbait apaindu naian.
Ikusgarrizko pollitasunez
erriko izkiņa guztian,
zerua bera irudi zuan
bere edertasunian.
XIII
Txoriak bezin alai ta bixkor
guzien ibilketia,
gelditu gabe igaro zuten
lanen aste guztia.
Itxas baster ta orma guziak
kale bat eta bestia
edertasunez apaindu zuten
Ondarru erri maitia.
XIV
Boga ta boga!... Ondarrutarrak
boga guziok batera!
Boga ta boga! Zeruko Ama
biotaetik maitatzera.
Boga ta boga! Berarengana
indar berriak artzera.
Boga!... ta Boga!... arraunlaritan
egin zenuten antzera.