Arno'ko gurutza
Andonegi, Ziriako
I
Erri txiki-txiki bat
sortu zan ludian.
«Motriku» izenakin
Arno'ren oñian.
Ibas baso ta mendi
inguru guzian,
Arno'ko Gurutzea
guzien gañian.
II
Amatxo'k esan ziran
jaio nintzanian,
lendabiziko itzak
arnasa artzian.
Bizi adi, semetxo
pozez ta pakian!
Arno'ko mendiaren
beko barrenian.
III
Poz-pozik bizi naiz ni
Arno'ren menpian,
neure atsegiñetan
zeiñ atsekabian.
Ondo Bordea daukat
biotz barrenian.
zuri entzundakoa
aurtxo nintzanian.
IV
Legorrian bezela
itxas zabaletan,
egualdi onarekin
baita ekaitzetan.
Paketsu Bizi gera
gu geren lanetan,
Arno'ko Gurutzaren
lege «santuetan».
V
Orain len eta beti
urte askoetan
Motriku'n beselaxe
beste errietan,
Emen inguruetako
baztez guztietan,
Gurutz ederrak degu
gure mendietan.
VI
Mendi polit bat badet
maite biotzetik,
alkarren maite gera
biok aspalditik.
Arno'ko gurutziaz
nago txoraturik,
berdiñik ez det uste
iñon badagonik.
VII
Ametskor esna nintzan
goiz illun batean,
etxetik irten nintzan
mendiko ustean.
Ene! Zer ikusten det
or aurreko aldean?
Arno'ko Gurutzea
mendi tontorrean.
VIII
Ez dago aiñ urruti
Arno'ko mendia,
bide galdurik ez da
ederra bidia.
Goazen azkar mutillok!
jauri izerdia!
laizter artuko degu
atseden-aldia.
IX
Iya igaro degu,
Biderik erdia,
Ez al dezute ikusten
zerbait irudia?
Begira zelai ortan
txabola txikia,
ez da ba «Apaiñ» izango,
bera da! egia.
X
«Apaiñ» era eldu ta
zantzo ta barriak,
Ijiji! batek eta
Ujuju! bestiak.
Abots argiz abestuz
abesti maitiak,
alaitasun onian
zar eta gaztiak.
XI
Agur Arno mendiko
ardizai maitiak,
agur zelai eder ta
mendi bitartiak.
Agur Arno'ko Gurutz
eta baserriak
agur bere menpeko
erritar guziak.
XII
Arkaitzez josia dan
Arno'ren gorputza,
«Arremieta»'n zear
Apaiñ'dik goruntza.
Motriku'k izan zuan
Jauna'ren laguntza,
Mendi artan jartzeko
«ARNO'KO GURUTZA».
|