Mediku itz-ontzia eta eria
Samaniego
Eri bat guztiz gaizki
Zegoan oiean,
Eta pulsua ongi
Artu ondorean
Asten zaio esaten
Bere medikua:
-Gaizki iruditzen zat
Gaur zure pulsua;
Indarrika ez dauka
Eta bitartean
Eun golpe daukatzi
Minuto batean-
Sendatu ziñalako
Zerade zu poztu,
Eta zerbait jan dezu
Edo zera oztu.
Alferrik ukatuko
Dirazu zuk niri,
Zerbait onelakose
Pasa zazu zuri;
Bestela seguru naiz,
Ez daukat dudarik,
Aterako zinduan
Nik gaiz onetatik.
Milla atera ditut
Nik nere denboran;
Etzait bat bakarrikan
Beste mundura joan.
Gauzarika onena
Izango da emen
Zure konfesorea
Deitzea lenbaitlen;
Ongi dakizu, iñork
Esan gabetanik,
Ez dakarrela iñoiz
Gauza onak gaitzik.-
Asarratutzen zaio
Onetan eria,
Eta esaten dio:
-¡Berritsu andia!
¿Zertan ari zerade
Aitzakia billa?
Gaitz onetatik zuri
Ill zaizkitzu milla.
Ez det jan, ez naiz oztu,
Ez det itz bat egiñ
Ez oraiñ eta ez len,
Ez bada zurekiñ.
Zure betiko itza
Eta erausia,
Jakizu asko dala
Iltzeko eria.
Zure aitzakiakin
Zoazkit emendik,
Ez det nik sendatzeko
Mediku bearrik.
Beti esan dirazu
Ezer ez derala,
¿Eta orain diozu
Gaizki nagoala?
Badakit nik- zerdedan,
Ez nago ain gaizki,
Erausi guchirekin
Jarriko naiz ongi.-
Burua makurturik
Medikua joan zan,
Eta gero eria
Laster sendatu zan,
Itz guchi, begi ona,
Andia zentzua,
Oiek egiten dute
Ona medikua;
Baña oraindikan da
Mediku obea
Osasunari ongi
Kontu egitea.
|