akatsak / iradokizunak inprimatu
Changurruak
Izenburua:
Changurruak
Sinadura:
Samaniego, Felix María
Urkizaren iruzkina:
(Eusk.: ?)
Egilea(k):
Samaniego, Félix María de
Zendola, Aurelio

Argitalpena:
Euskal-Erria.
Urtea:
1887
Argitalpenaren urtea:
16
Alea:
Orrialdea:
345

 

 

 

 

faksimilea ikusteko


Changurruak

 

Samaniego

 

 Itz egiñ omen zuten

 Batzarre batean

 Changurruak atzerontz

 Joateko gañean;

 Ikusirik chit zala

 Modu itsusia,

 Eta dudarik gabe

 Chit lotsagarria.

 Nork bere umeari,

 Esan omen zuten,

 Erakutsi beaio

 Aurrerontz ibiltzen;

 Oitura au emanaz

 Jaiotzen danetik,

 Utzi gabe ematen

 Atzerontz pausorik.

 Biaramon goizetik

 Omen dira asten

 Umechoak aurrerontz

 Erabilli-arazten,

 Atzaparrak biguñak

 Dituzten artean,

 Aurrerontz eragiñaz

 Atzerontz ordean.

 Ari dira onela

 Ziñez gurasoak

 Egunoro zuzentzen

 Umeen pausoak.

 Alferrikan egiten

 Dute alegiña,

 Eziñ garaitu dute

 Semechoen griña;

 Atzerontz ikustean

 Beren gurasoak,

 Umeak daramatzi

 Oien ejenploak.

 Argatik changurruak

 Gaur ere dabiltza

 Beti atzerontz pauso,

 Sokagille gisa;

 Esaten digutela,

 Emak ejenploa

 Nai badek segitzea

 Ire lezioa.

 


akatsak / iradokizunak inprimatu