Komediantiak

Salaberria, Leandro

 1

 Bizi modu berri bat

 orain degu artu,

 Leandro'k kantak jarri,

 Arandia'k saldu,

 askotan patrikaran

 sosik ez daukagu,

 zerkait ofiziyotan

 saiatu biargu.

 2

 Gure Errenteriyan

 komediantiak

 igande gau batian,

 txit balientiak,

 alabak eman arren

 dade fuertiak

 etzuben miñik artzen

 ni jo bitartian.

 3

 Alabak grizuakin

 aita zuen jaso,

 beste bat ere egingo

 lukela airoso,

 ni nonbratu ninduten

 kuadrillan pailaso

 egiñalakiñ jota

 niñuen eraso.

 4

 Ortzaz gora jarri zan

 onradamentian,

 etzuen uste baña

 beretzat kaltian,

 pailasok esan arren

 jartzeko gañian,

 publikua ejuka:

 -jozak muturrian.

 5

 Pailasoren esana

 nik ez konprenditzen,

 gero publikuari

 asi naiz galdetzen,

 berriz ere lengua

 zuten esplikatzen,

 jo eta ez omendu

 miñikan artutzen.

 6

 Asi giñadenian

 dili edo dale

 intenziyo fiñakiñ

 tranpa aundi gabe,

 orain komedi ederrak

 egiten dirade,

 bañan ez guriakin

 konparatzeko-re.

 7

 Gabaetan pailasok

 ura pantasiya,

 astuak bezela egiten

 zuen irrintziya,

 alabari jotzeko

 nai zuen guztiya,

 nik deklaratu nuen

 arren maleziya.

 8

 Alkatia etorri

 zaian beriela,

 esan ziran merezi

 nuela kartzela.

 -Ik zer motiboz jo dek

 pailaso orrela?

 -Berak esandu miñik

 artzen ez duela.