"Basarri"
Errezola, Luis
-1-
Guda aurretik alkar, «Basarri»
Donostia'n jo genduan,
ni entzule ta zu, bertsolari
«Txirrita» zanan onduan.
gaur dagon ainbat kulturarikan
ez egon-arren orduan,
zure mingañak itz zabarrikan
an erabili etzuan.
-2-
Gaztetan gizon egin ziñan da
gizonki zuaz aurrera,
aldezuana erakutsiaz
gure izkuntzan aldera;
bear bezela jokaturikan
Aitor zarraren antzera,
zure bearra izan da emen
indartutzeko euskera.
-3-
Euskeran alde jokatzen degu
zuk ainbat, beste iñork ez,
onbeste neke artuko duna
berriz sortuko da nekez.
Itzaldi onak maiz dituzuta,
bertsotan zer esanik ez,
aurrera berdin erakutsiaz
urtetan bizitu zaitez.
-4-
Ogei ta amabost urte badira
ni, konturatu nintzala,
berezko etorri ederrarekin
bertsolaria ziñala;
geroztik, lagun, gure Jainkoak
maizago bildu gaitzala,
ongarri degu dizipuluak
«Basarri», zure itzala.
-5-
Ote zikiñez betea zegon
bertsolarien baratza,
zu, asi ziñan ori jorratzen
arturik lantegi latza.
Ikusirikan nundik zetorren
sustraitikan akatsa,
len ezer gutxi balio zuna
jarri dezu aberatsa.
-6-
Amalau urte bete nituan,
garai artako bertsuak,
astakeriak entzun ezkero
pozik giñan geintsuak;
kirtenkeriak elkarri bota,
ta, gu, kirten alaitsuak,
kirtenetan zein kirten aundiña
eramanikan pausuak.
-7-
Kirtenak uxatu ziñuzen da,
ez dedilla berriz jaio...,
bitatikan bat aukeran jarri
nik, kultura pixkau naio,
gaur gipuzkoan kirten bat dago,
beraren izena «Pello»,
Danontzat bera naikoa data
ez alda, sortuko geio...
-8-
Uztapide'ren omenaldian
elkar besarkaturikan,
zuk esandako itzak oraindik
emen dauzkat gorderikan;
nere barruan joango dira
bizi geran mundutikan,
gizon ixilla aberatsa da,
ezta olako urrerikan.
-9-
Beian zegoan zaletasuna
egin zenduan goratu,
lur makaleko landare zarra
lur berrian da loratu;
iñortxok uste ez kendun lana
zuk egin zenduan lortu,
zu bezelako ortelanorik
oraindikan ezta sortu.
-10-
Lege-gizon da apaiz da praile,
bazegon gizon azkarrik,
gure baratza txukundutzeko
oien indarrak alperrik.
Zuk, Uztapide lagun artuta,
jorrai batekin bakarrik;
berezko doia duanak eztu
kultura askoren bearrik.
-11-
Kultura aundiko gizon azkarrak
ez dute txarrik merezi,
oien bitartez egiten degu
gauz berri asko ikusi.
Euskera zaintzen nai nituzke
beti onela ikusi,
zu, berriz dar-on erdi erdian,
lore guzien nagusi.
-12-
Kirtenkeria zuzendutzeko
izan alda euzkaldunik?
eztala sortu esango nuke
zuk ainbat lan egin dunik;
Urtez aurrera bazuaz baña
etzaizu joaten kemenik,
orrengatikan txapela eskuan
detela agurtzen zaitut nik.