Asi gera gabeko
Rezola, Luis
-1-
Asi gera gabeko
amabiterditan,
kilkirra kantari ta
ni bertso berritan.
Egoaize lamarekin
esnatu sarritan,
ametsetan nebillen
kartoizko zalditan.
-2-
Amon bat ikusi det
laņopetan sartzen,
bere matxardarekin
illargiri eltzen:
talo-burni batekin
joka, dana ondatzen,
orain Donosti'n dabil
gezurrak kontatzen.
-3-
Illargin ba omen daude
bai, gizon galantak,
aiek segi, ta, noski,
onen zalapartak!
Gerriz gora lau metro,
irukoak ankak,
geizi lapurretako
dirade apartak
-4-
Egunetan egon zan
autsetan gordia,
etortzeko atea
billatu ordia.
Ta gaņera korrika
amona abia,
atzetik omen zuan
Altza'ko aundia.
-5-
Beste bein proatu zun
Benus'a juatia,
jateko asmoetan
ango tomatia.
Ikusi zuanian
abalik atia,
ura omen zan ura
tomate jatia!
-6-
Lurretik Benus'era
egoaizeak nau bultz,
ezta ez berriketa
igotzea onuntz.
Lurretik ustearren
au dana dala uts,
bidean arki ditut
eun milloi astaputz.
-7-
Emen jana ba-dago;
ni ez nabil gosez,
bazkari ona egiņa
ni nazu San Jose'z.
Marte aldera nua
ikusteko pozez,
ia billatzen dedan
nunbaitean Moises.
-8-
Esan du nai duala
ezautu Jupiter,
bein joango da bai, noski,
ez beintzat bi bider.
Aspaldi billa dabil
kaiolako -kilker,
musika xelebren bat
omen degu laister.
-9-
Oraindik falta ditut
Pluton da Urano,
Mercurio'tik barrena
joko det Saturno.
Izarretara eltzean
lurrerako turno,
emengo berri dana
esango det ondo.
-10-
Okurrentzia zuan
amona gaxuak,
lurretik egiteko
arako pausuak.
Laister emen degu ta
zabaldu besuak!
beti eztira izaten
olako kasuak.
-11-
Antolatzen asi naiz,
nago ameslari,
ongi-etorri on bat
danok amonari.
Lezea aurretik dala
berreun txistulari,
ta ondoren bertsotan
Basarri kantari.
-12-
Aurtengo agostuan
Donosti pozikan,
Errusitik ba-datoz,
ta... Amerikatikan.
Jetxiera ikustera
mundu guzitikan,
iņork ezpaitu egin
olako markikan.
|