|
Umezurtz
Onintza
1
Errekaldian estalpe,
betik urrutitxo,
antxe bertan jaio-intzan.
mukisu morroizko.
Atorkit arpegi ori
udez garbitzeko,
Galtza zarrak ere dizkit
maite aldatuko.
2
Ene morroizko, gaurtikan
aut anai nerea,
txukun txukun agokenez
bi aldiz maitea.
Estalpetikan izan bau
ama aur zalea,
ez uken anka zaņetan
ainbat loi lerdea.
3
Ene loietan abillen
ez jakiņez guri.
Ez al uken zulaz
Ama!, izen ori?
Nik bezela danok ditek
ama bat egoki.
Ik nola ez-bada; ene,
eria ez euki?
4
Nik bazekiat non deken
amatxo bat ona;
ez dek baster utzi iņuten
ama zeken ura;
baizik ezkillaz ermitan
ots ta ots dekena.
Noren billa abil morroizko?
Atorkit onuntza.
5
Ara emen Ama Birjiņa,
mutiko zarpallu
estalpean utzi zuten
egizko jostallu.
Mutiko, bildurrik gabe
adi bada eldu!
ia gorago mutiko;
bai esaiok muxu.
|
