|
Be ta goi-maite
Onintza
Galtsoroko kuku lore,
bi masallez irudizu
illargitan zorarazle
nik nai to zuk ezez muxu.
Al da argigo, ene maite,
biok begiz begi baņo?
Zatoz enegan, gerri me,
urra egidazu laņo.
Txori eraz zoaz iges.
Muxuk min al dizu ene?
Biotzak maite-min ziņez
muin ordez koska lezake.
Orain gorrizka sutegi
masail gorriz irudizu,
zuregandik ni igesi,
labe ortan sar nazazu..
Txoriak dagi kantetan,
mur-mur loretegian erle,
euzki ta itzal ezkonketan
ni bakarrik maitasunbe..,
Eguzkia mendi gallur
urraz daiteke ene laņo;
sare barne buruk makur.
otoizka zuriz bi maro.
Garitzako lore gorri
ara ene begi urren;
maitemin yauzkatuz esi
sartu naiteke or barren
Bera bai da ene txingi
argi gabe naiz illunpe.
Baņan, biotz, ixil adi
bakartegi larritube!...
Lekaide esian loretsu
bedi bada lora ori,
to ez nadin miņai leku,
Jaun ona, nazazu itzali.
|
