Danzajolasa

Otaegi, Klaudio

 Zeru azpiko argiontziak

 Zinzillikan daudenean;

 Eta illargi zillarrezkoak

 Zabaldutzen duenean,

 Bere argia antzir bateko

 Aniyerusen gañean;

 Amuruzkiro zispiratuaz

 Aizechoak ematean

 Laztan garbiak lore politai

 Zabuka dabiltzkinean;

 Zelaiak perlaz intzak betetzen

 Dituen bizkitartean,

 Iturri eta ibai murmurrak

 Amets gisa enzutean;

 Bere laguna kabi chuloko

 Arraultzetan somatzean,

 Errechinola sasi ertzian

 Kantari dagoenean...

 ¡Zeñen egoki egon oi dan bat

 Belar beroren tartean,

 Zotal, makill ta garoz egiña

 Izandu dan echolean!