Aterik aña maratill
Otaegi, Klaudio
Talo egin sar baten gañean
Chardin zar errearekin,
Chopin pare bat sagardo edan
Gabe ondo etzan Chomin.
Lanari laja ezkero aren
Eguneroko billera,
Sagardo leun arragatsua
Saltzen zegoan tokira.
Berez alaia, buruz abilla,
Eziñ egona isillik,
Etzan izango ipui berri bat
Ark konta gabeko gaurik.
Ontzak choria ibill oi duen
Modura zenbat alditan,
Chuleatutzen zuten lagunak,
Aserra erazi naian.
Baña Chomini ajola guchi,
Bazizkioten ematen
Bi edo iru baso sagardo
Ipuichoaren ondoren.
Paratu arren izan ziteken
Jolas-gairik okerrena,
Berealase zuan botako
Koplarikan ederrena.
Zeren ain zuan gozitza eta
Biguña bere etorkia,
Non zirurien egunsentiko
Chorien kantu eztia.
Arrats batean paratu zuan
Iñork ikusi gaberik,
Bere oñetan peseta zar bat
Polchikotik aterarik.
Eta alcha zuan esanaz:-au dek
Au dek suertea, Jaunak!-
-Nerea,-zion esan alboan
Zeukan chalupa mutillak.
-Berez, esan zak ¿zer siñale
-Izango da karaduna:-
-Orduan ez aiz, esan zion,
Moneda au galdu duena.-
-¿Eta zer zidan esango esan
Banion kara gabea?-
-Ez intzala i, aur mukitsua,
Pezeta onen jabea.