Astoa baña astoagoko astazai bat
Otaegui, Claudio
Errotari mutill bat astocho batekin
Zatku karreo beti umore onakin
Bordaz borda ibilli oi zan iriñakin,
Ezpañean zuela pipa belarrakin.
Eurite izugarri baten ondorean
Arkitu zan ibai bat pasa bearrean:
Jarririk asto eta zakuren gañean,
Ajika dio ¡arre! irago gaitean.
Astoak bere baitan,-ez nauk iragoko,
Len ere badiat nik kargarikan asko:-
-¡Arre! bizkarra diat bestela autsiko:-
-Jo nazak jo, nai badek, eu aiz aspertuko.
-¡¡A..r..r..e!! ¡ala jainkoa!-¡¡Jijai...jijai...jijai!!!!
-¡Arrayia! gaurdaño pasa gaituk nonai,
Eta ¿zer, oraiñ ez dek iñondik ere nai?
Ago, ago pisca bat, konponduko aut, bai.-
Artzen du bizkarrean astoa, nai ta ez,
Eta beste aldera pasatzen, esanez:
"Ni baño geiago aiz setaz ta jakitez,
Baña ez aiz iznago sekula indarrez."