Pekatariyari
Orkaiztegi, Patrizio
¿Noiz zera pekatariya,
Noiz zera zentzatuko?
¿Noiz zera zure animaz
Noiz zera oroituko?
Jakizu etziñala izan
Egiña mundurako:
Garbitu zaitea, bada,
Zure azken konturako.
Kantartea.
Lenbait-len biur zaite
Zure Jaunagana:
Jakizu bera dala
Epalle zuzena:
Esamiñako ditu,
Aurren ta azkena;
Ez dakizu noiz bear
Dezun juan argana.
Beretzat zinduan egiñ
Guziyen Jaun Jabeak;
Eskeintzen dizkitzu Berak
Zori on neur-gabeak:
Entzuten ezpadiyogu,
¡A gure doakabeak!
Etsayak, gu galdu nairik,
Prest daukazki sareak.
Lenbait-len biur etc.
Begira gal-ez ditzatzun
Betiko atsegiñak;
Mendera-itzatzu laster
Naikunde biyurriyak;
Bertatik arduraz ezi
Pekaturako griñak;
Kristaua, egiñ onetan
Zintzoro alegiñak.
Lenbait-len biur etc.
Jar zaite utzi zenduban
Jaun Aundi Onagana;
Egizu barren-barrendik
Pekatubaz negarra,
Aldendu nai badituzu
Betiko su ta garra:
Ar-zazu Jesusek eman
Nailukean laztana.
Lenbait-len biur etc.
|